मुलुकमा कोरोना भाइरस महामारिका कारण सोमबार सबैभन्दा धेरै १३९ जनाको मृत्यु भएको छ ।
स्वास्थ्य तथा जनसंख्या मन्त्रालयले २७ बैशाख २०७८ मा सार्वजनिक गरेको तथ्यांक अनुसार पछिल्लो २४ घण्टामा कोरोना भाइरसका कारण १३९ जनाको मृत्यु भएको हो ।
स्वास्थ्य मन्त्रालयले मंगलबार सार्वजनिक गरेको तथ्यांक अनुसार पछिल्लो २४ घण्टामा कोरोना भाइरसबाट ९ हजार २७१ जना संक्रमित भएका छन् ।
१७ हजार ६२३ जनाको पिसिआर र ७८८ जनाको एन्टीजिनबाट परिक्षण गर्दा ९ हजार २७१ जनामा कोरोना भाइरस पोजिटिभ देखिएको मन्त्रालयको तथ्यांकले देखाएको छ ।
यससँगै अहिलेसम्म मुलुकमा कोरोनाबाट चार लाख ३ हजार ७९४ जना संक्रमित भएका छन्, भने कुल ३ हजार ८४९ जनाको मृत्यु भएको छ ।
पछिल्ला दिनहरुमा मुलुकमा कोरोना संक्रमितहरुको संख्या बढेसँगै अस्पताल भरिएपछि सिकिस्त बिरामीले उपचार सेवा नपाउँदा ज्यान गुमाइरहेका छन् ।
