स्वास्थ्य तथा जनसंख्या मन्त्रालयले जाडो मौसममा शरिर वा कोठा न्यानो पार्ने क्रममा सावधानी अपनाउन सार्वजिनक अपिल जारी गरेको छ ।
मन्त्रालयले आगो ताप्ने, हिटर बाल्ने, गिजरको प्रयोग गर्ने लगायतका काम गर्दा पर्याप्त सावधानी अपनाउन आग्रह गरेको हो ।
स्वास्थ्य मन्त्रालयले जाडो मौसममा यस्तो सावधानी नअपनाउँदा अप्रिय घटनाहरु हुने गरेको भन्दै सावधानी अपनाउन भनेको छ ।
मन्त्रालयले अपिल जारी गर्दै निम्न कुरामा सावधानी अपनाउन भनेको छः
- हावा ओहोरदोहोर हुने ठाउँ वा कोठामा मात्र आगो ताप्ने, हिटर बाल्ने वा गिजर प्रयोग गर्ने ।
- कोइला जन्य स्रोतबाट सकेसम्म आगो नताप्ने ।
- आगो ताप्दा वा हिटर बाल्दा कागज, कपडा जस्ता छिटो जल्ने खालका सामाग्री नजिकै नराख्ने ।
- आगो तापिसकेपछि त्यसलाई पूर्ण रूपमा निभाउने ।
- हिटरको प्रयोग गर्दा समय समयमा चलिरहेको हिटरलाई बन्द गर्ने ।
- सुत्नुअघि अनिवार्य रूपमा हिटर निभाउने ।
- गिजरको मुख्य मेसिनलाई बाथरूम बाहिर खुला ठाउँमा जडान गर्ने ।
- गिजर खोलेर लामो समयसम्म बाथरूममा नबस्ने ।
